Резиденцияда кимдер жашаганы боюнча маалымат берилет

"Ала-Арча" мамлекеттик резиденцияда кимдер жашаганы тууралуу президенттин администрациясы "Адилет" укуктук клиникасына жооп берет. Бул тууралуу президенттин маалымат катчысы "Азаттык" үналгысына билдирди.

Маалыматка караганда, кайрылуу белгиленген тартипте каралып, жообу арыз ээсине берилет.

"Адилет" укуктук клиникасы президент Садыр Жапаровго кайрылып, Бишкектеги "Ала-Арча" мамлекеттик резиденциясында жашоого укуктуулар, азыр жашап жаткандар, ал жерде өткөрүлүүчү бейрасмий иш-чаралар, тейлөө жана камсыздоо үчүн мамлекеттик бюджеттен бөлүнүп жаткан акча боюнча маалымат берүүнү өтүнгөн.