Санкт-Петербург шаарында Кыргызстандын 45 жаштагы жараны дайынсыз жоголгон. Бир нече күндөн кийин ал Ленинград облусунун Приозерск районунан табылган.
Россиянын басылмалары билдиргендей, М.Кубанычбек 17-декабрда издөөдө жүргөндөрдүн тизмесине киргизилген, ал эми 21-декабрда жеке үйдүн жертөлөсүндө буту байланган жана башына кап салынган кыргызстандыктын жансыз денеси табылган.
Россиянын укук коргоо органдары шектүүнү ошол эле күнү колго түшүргөн. Бул 52 жаштагы жергиликтүү тургун болуп чыкты. Атайылап өлтүрүү фактысы боюнча кылмыш иши козголгон.
Пикирлер (1)