Россияда маймыл чечегинин алгачкы учуру аныкталды

Роспотребнадзор Россияда Европадан кайтып келген адамдан маймыл чечегинин биринчи учурун каттады, деп билдирди РИА Новости.

"Россияда маймыл чечегинин биринчи учуру тастыкталды. Оору Европага сапардан кайтып келип, медициналык мекемеге мүнөздүү исиркектер менен кайрылган жаш жигитте аныкталган", - деп айтылат маалыматта.

Роспотребнадзор бул оору жеңил экенин жана оорулуу адамдын өмүрүнө коркунуч жок экенин билдирди. Бейтап изоляцияланып, инфекциялык профилдеги медициналык мекемеде жатат.