Россиялык эки альпинист Жеңиш чокусунда каза болду

Жеңиш чокусун багындырууну каалган эки альпинист каза болду. Бул тууралуу АКИпресс билдирди.

Маалыматка караганда, 8-август күнү орус альпинисти Валентин Михайлов кар сүрүлүп каза болгон. 

Ошол эле күнү Сергей аттуу альпинист Хан-Теңир чокусунан түшүп келе жаткан учурда өзүн жаман сезген. Анын жанында жубайы болгон. Куткаруучулардын эскертүүсүнө карабастан, жубайы Сергей менен чокунун боорунда кала берген.

Куткаруучулар 11-август күнү Сергей менен жубайын куткарган. Бирок Сергей өзүнө келбей каза болгон. Ал эми аялына жардам көрсөтүлгөн.