АИ-92 үлгүсүндөгү бензиндин баасы Санкт-Петербургдагы эл аралык товар жана чийки зат биржасында сооданын жыйынтыгы боюнча рекорд жаңыртты – биринчи жолу тоннасына 59 миң рублдан ашты. Бул тууралуу орусиялык басылмалар жазып чыгышты.
Маалымат боюнча, Россия Федерациясынын европалык бөлүгүнүн аймактык индекси боюнча 92-орун тоннасына 59 198 рублга чейин (0,49 пайызга) көтөрүлгөн. АИ-92 үлгүсү апрелдин аягында – майдын башынан бери өсүүдө. Июнь айынан баштап рекорддорду жаңылай баштады. Майдын ортосунан тарта АИ-95 үлгүсүндөгү бензиндин баасы кескин көтөрүлө баштаган.
Белгилей кетсек, Кыргызстан күйүүчү-майлоочу майларды Россиядан сатып алат. Демек, Россия Федерациясындагы күйүүчү майга болгон баалар Кыргыз Республикасынын ички рыногундагы кырдаалга түздөн-түз таасирин тийгизет.
Пикирлер (0)
Пикир жок. Сиз биринчилерден болушуңуз мүмкүн