Тышкы иштер министри Руслан Казакбаев Азербайжандын тышкы иштер министри Ж.Байрамов менен телефон аркылуу сүйлөштү. Бул тууралуу ТИМдин басма сөз кызматы маалымдады.
Сүйлөшүүдө эки тараптуу жетишилген келишимдерди аткарууну улантуу боюнча маселелер талкууга алынды.
Азербайжан министри Тоолуу Карабактагы абал жана андагы тынчтык иштерин жүргүзүү боюнча иштер жүрүп жатканын билдирди.
Руслан Казакбаев өз кезегинде Азербайжан менен ар тараптуу кызматташууга, ошондой эле коронавирус илдетине каршы чогуу күрөшүүгө чакырды.
Мындан сырткары министрлер президент Алиевдин Кыргызстанга боло турган иш сапарын кеңири талкуулады.
Пикирлер (0)
Пикир жок. Сиз биринчилерден болушуңуз мүмкүн