Россия, Кытай, Индия, Казакстан, Кыргызстан, Пакистан, Тажикстан жана Беларустун аскер кызматкерлери 20-29-сентябрда Оренбург облусунда өтүүчү ШКУнун "Тынчтык миссиясы - 2021" машыгуусуна катышат. Бул тууралуу ТАСС агенттиги билдирди.
Машыгууларга жалпысынан 5,5 миңге жакын аскер кызматкери жана 1,2 миңден ашуун курал, аскердик жана атайын техника тартылган.
Аскерлер эл аралык террордук топтор колдонгон жаңы тактикага каршы туруунун жолдорун, ошондой эле дрондор менен күрөшүү жана химиялык жана биологиялык куралдарды колдонуу менен террордук чабуулдарды болтурбоо ыкмаларын иштеп чыгышат.
Пикирлер (0)
Пикир жок. Сиз биринчилерден болушуңуз мүмкүн