Өзбекстандын президенти Шавкат Мирзиёев бүгүн, 24-июлда 63 жашын белгилеп жатат. “Медиа центр” мультимедиалык-маалымат агенттиги саясатчы тууралуу кызыктуу фактыларды сунуштайт.
1) Шавкат Мирзиёев 1957-жылы 24-июлда Өзбекстандын Жизак облусунун Зааминс районундагы Манас деген айылда төрөлгөн;
2) Ата-энеси дарыгер болгон. Атасы Миромон Өзбекстандын Заамин районундагы кургак учук боюнча аймактык оорукананы башкарса, апасы ошол эле ооруканада медайым болгон;
3) Шавкат Мирзиёев Ташкентте ирригация жана мелиорация боюнча айыл чарба институтун аяктап, инженер-механик адистигине ээ болгон;
4) 1974-1991-жылдары ирригациялык ишканаларда катардагы жумушчудан баштап, техника илимдеринин кандидатына чейин жеткен. 35 жашында ошол эле институттун биринчи проректору болуп дайындалган;
5) 1990-жылы Өзбекстандын парламентинин депутаты болуп эмгектенген;
6) 1996-2001жылдары — Жизак жана Самарканд облустарынын акими болуп штеген;
7) 46 жашында Өзбекстандын мурдагы башчысы Ислам Каримовдун сунушу менен өкмөт башчы болуп дайындалган;
8) Шавкат Мирзиёев жубайы Зироатхон Хошимова менен Ташкенттеги Айыл чарба институтунан табышкан;
9) Өзбекстан президентинин Шахноза жана Саида аттуу эки кызы жана Даврон аттуу уулу бар. Эки кызы тең турмушка чыккан;
10) Шавкат Мирзиёев 2016-жылкы президенттик шайлоодо элдин 88,61 пайыз добушун алып жеңишке жеткен. Ал эми 14-декабрда салтанаттуу түрдө ант берип, президенттик кызматына киришкен.
Пикирлер (1)