Шайлоо 2020: Республика боюнча 2420 шайлоо тилкеси түзүлдү

Кыргызстан боюнча учурда 2420 шайлоо тилкеси түзүлдү, андан тышкары 44 участка чет өлкөлөрдө. Бул тууралуу премьер-министр Кубатбек Бороновдун катышуусунда 2020-жылдын 4-октябрында өтө турган Жогорку Кеңештин депутаттарын шайлоого даярдык көрүү иштеринин жүрүшү талкууланган жыйында белгилүү болду.

Маалыматка ылайык, 54 аймактык шайлоо комиссиясы түзүлүп, алардын курамы бекитилди. Тактап айтканда, 650 аймактык шайлоо комиссияларынын мүчөлөрү, 29 837 участкалык шайлоо комиссияларынын мүчөлөрү бар. Алдын ала тизмеге (24-июлга карата) 3 млн 428 миң 873 адам кирди.