Шайлоо участкаларында медпункттар уюштурулуп, 5728 медик иштеп жатат, - министр

Шайлоо участкаларында медпункттар уюштурулуп, 5728 медициналык кызматкер иштеп жатат. Бул тууралуу саламаттык сактоо министри Сабиржан Абдикаримов 4-октябрдагы брифингде билдирди.

Анын айтымында, андан сырткары, тез жардам кызматынын унаалары дагы уюштурулуп, ооруканаларда орундар даярдалган.

“Бардык медкызматкерлерге жеке коргонуу каражаттары, беткаптар, санитайзерлер жана башка коргонуу каражаттары толук жетиштүү. Эгерде шайлоочулардын арасында дене табы көтөрүлүп же оорунун белгилери бар болгон жарандар болсо, алар кечки саат 18.00дөн кийин келип, атайын даярдалган кабиналарда өз добушун берүүгө укугу бар",- деп билдирди Сабиржан Абдикаримов.