Мурдагы депутат Алмамбет Шыкмаматов УКМКнын мурдагы төрагасы Абдил Сегизбаевге 2019-жылы арыз жазганын, укук коргоо органдары ошонун үстүнөн кылмыш ишин козгогонун билдирди.
“Эски арыздын негизинде иш козгоп жатат. Бул азыркыларга да сабак болушу керек. Чынында Сегизбаев 3 депутатка жасалма документ менен иш козгогон. Аны парламентке алып келип, борбордук телеканал аркылуу көрсөтүп каралаган. Коомчулук да кантип эле такталбаган документти президентке берип, 3 оппозициялык депутатты каралап жатат деп таң калган. Ошондо биз өзүбүздүн чындыгыбызды далилдейбиз деп Белизден расмий дипломатиялык каналдар аркылуу анын фейк экенин аныктаганбыз. Биз муну жасабаганда 15-20 жылга камап салмак”, - дейт ал.
Пикирлер (1)