Бүгүн, 12-июнда Швейцария каржылаган "Кыргызстандагы жугуштуу эмес ооруларды эффективдүү башкаруу жана алдын алуу" долбоору Кыргызстандын Саламаттыкты сактоо министрлигине COVID-19 менен ооругандар үчүн кычкылтек концентраторлорун тапшырды. Бул тууралуу республикалык штаб билдирди.
Маалыматка караганда, долбоор 2 млн сомдон ашык суммага 32 кычкылтек концентраторун алды. Концентраторлор Бишкек жана Ош шаарларындагы ооруканаларга жана Нарын облусундагы территориялык ооруканаларга тапшырылат.
Кычкылтек концентратору деген эмне?
Кычкылтек концентратору - бул дем алуу системасында жабыркоосу бар бейтаптар үчүн кычкылтек терапиясын жасалуучу аппарат. Мындай аппарат COVID-19 оорусунун өрчүгөн (өтүшүп кеткен) бейтаптар үчүн өтө зарыл.
Пикирлер (0)
Пикир жок. Сиз биринчилерден болушуңуз мүмкүн