Сабырбек Жумабеков: Аселдин абалынан кичине жылыш бар (видео)

Академик  Сабырбек Жумабеков бүгүн, 29-июнда комада жаткан ырчы Асель Кадырбекованын абалы тууралуу Фейсбуктан видео билдирүү таратты.

Анын айтымында, Аселдин ден соолугу дагы деле оор бойдон калууда. Азыр комада жатат, бирок өзү дем алып жатат. Кан басымы эч кандай дары-дармектин жардамысыз нормада сакталууда. “Кичине болсо да жылыш бар, башка маалымат бере албайбыз”, - деди академик.

Ал кошумчалагандай, журналисттер телефон чалып, Аселдин абалын сурагандар көп болуп жана ишине жолтоо болуп жаткандыгына байланыштуу атайын видео аркылуу айтып коюуну туура көргөн.