Садыр Жапаров «Борбор Азия — Европа Биримдиги» жыйынына катышуу үчүн Астана шаарына келди

Президент Садыр Жапаров бүгүн, 27-октябрда, иш сапары менен Астана шаарына келди.

Президенттин басма сөз кызматынан кабарлашкандай, мамлекет башчысынын учагы Нурсултан Назарбаев атындагы эл аралык аэропортко конду.

Иш сапардын алкагында президент Садыр Жапаров «Борбор Азия — Европа Биримдиги» лидерлеринин биринчи жыйынына катышып, жогорку деңгээлдеги бир катар эки тараптуу жолугушууларды өткөрөт.

Мындан тышкары, мамлекет башчысы Кыргыз Республикасынын Казакстан Республикасындагы Маданият күндөрүнүн ачылыш аземине катышат.