Премьер-министр Садыр Жапаров президенттик шайлоого катышат. Бул тууралуу ал Кочкор районуна болгон иш сапарында жергиликтүү тургундар менен жолугушууда билдирди.
Анын айтымында, ал шайлоого катышуу үчүн декабрь айынын башында президенттин милдетин аткаруучу кызматын тапшырат.
"Мен катардагы жаран катары президенттик шайлоого барам. Эгерде өтсөм ажо болом, өтпөсөм силердин катарыңардагы жаран катары калам", - деди Садыр Жапаров.
Буга чейин Шайлоо жана референдум өткөрүү боюнча борбордук комиссиясы мөөнөтүнөн мурда президенттик шайлоонун датасын 2021-жылдын 10-январына белгилеген.
Пикирлер (0)
Пикир жок. Сиз биринчилерден болушуңуз мүмкүн