Садыр Жапаров: Эмгек акылар бир гана салыктын эсебинен көтөрүлөт

Садыр Жапаров эмгек акы салыктын эсебинен көтөрүлө турганын айтты. Бул тууралуу президент Жогорку Кеңештин жалпы жыйынындагы кайрылуусунда билдирди.

“Эмгек акылар бир гана салыктын эсебинен көтөрүлөт. Өткөндө бир депутат “насыя алып эмгек акыны көтөрүп жатасыңар” деди. Министрдин орун басары тыңгылыктуу жооп бере албай жатат. Ал же өзү билбейт, же даяр эмес. Ал орун басар боюнча Министрлер кабинетинин төрагасына тапшырма бердим. Кызматка татыктуу эмес болсо бошотуш керек. Азыр кызматка бирөөнүн көңүлү үчүн кармап турууга акыбыз жок, - деди Жапаров.