Садыр Жапаров эмне үчүн башка өлкө президенттери менен түштөнүүгө катышкан эмес?

  Кечээ, 9-майда Москвада Россия Федерациясынын президенти Владимир Путин Улуу Ата Мекендик согуштун жеңиш күнүнө арналган параддан кийин парадга катышкан президенттерге түштөнүү уюштурган.

Анда Беларус президенти Александр Лукашенко менен президент Садыр Жапаров болгон эмес.

Социалдык тармактардын колдонуучулары президент Жапаровдун түштөнүүгө катышпаганын түрдүүчө жоромолдогон.

Буга байланыштуу президенттин маалымат катчысы Эрбол Султанбаев түшүндүрмө берген. 

Анын айтымында, Садыр Жапаров 8-майда Путин тарабынан уюштурулган сый тамакка катышкан. Ал эми 9-майда Россиянын Министрлер кабинетинин төрагасы Михаил Мишустин менен жолугушкан.