Садыр Жапаровдун кийинки расмий иш сапары кайсы өлкөгө болору белгилүү болду

Кыргызстандын президенти экинчи расмий сапары менен Өзбекстанга барат. Бул тууралуу КР Тышкы иштер министрлиги билдирди.

Министрликтин маалыматы боюнча, Кыргызстан менен Өзбекстандын тышкы иштер министрлеринин биринчи орун басарларынын ортосунда сүйлөшүүлөр болуп, анын жүрүшүндө тиешелүү уюштуруу маселелери талкууланып, иш сапарга даярдыктар башталды  Азырынча иш сапардын күнү аныктала элек. 

Алгач Өзбекстандын Тышкы иштер министрлигинин башчысы Абдулазиз Камиловдун Бишкекке жумушчу сапары болору да айтылды.