Садыр Жапаровдун күтүүсүз текшерүүсү: Министр башкы дарыгерлерге эскертүү берди

Саламаттык сактоо министри Гүлнара Баатырова башкы дарыгерлерди шаалакы мамилеси үчүн сынга алды.

Милдеттүү медициналык камсыздандыруу фондунун басма сөз кызматы билдиргендей, министр Баатырова президент Садыр Жапаров тарабынан текшерилген ооруканалардын башкы дарыгерлерине тендерлерди убагында өткөрүүнү жана керектүү медициналык жабдуулар менен камсыз кылууну тапшырган.

Гүлнара Баатырова ММКФ каражатты убагында бөлгөнүнө карабастан башкы дарыгерлер жетиштүү деңгээлде иштей албай жатканын сынга алып, эскертүү берди.