"Ата Мекен" партиясынын лидери Өмүрбек Текебаев УКМКнын төрагасы, мамлекеттик чек араны делимитациялоо жана демаркациялоо боюнча делегациянын башчысы Камчыбек Ташиевга кайрылуу жасады. Бул тууралуу ал бүгүн түз эфирде билдирди.
"Камчыбек Ташиевдин патриот, мекенчил экенин, ниети түз адам экенин баарыбыз билебиз. Бирок мен Камчыбек Ташиевге кайрылып кетет элем чек араны чечүүдө сак болуш керек, шашпаш керек, кеңешиш керек.
Тажикстан менен чектеш бир метр жердин тагдырын чечип жатканда бүтүндөй чектеш аймактар ошол жол менен чечилерин билиш керек. Бүгүн Ворух анклавына жол берсек, Сохко да ошондой мамиле кылышка туура келет. Ошондуктан жети өлчөп, бир кесиш керек",- деди Өмүрбек Текебаев.
Пикирлер (0)
Пикир жок. Сиз биринчилерден болушуңуз мүмкүн