Саламаттык сактоо уюмдарына 13 тез жардам унаасы берилди

13 тез жардам унаасы республиканын саламаттык сактоо уюмдарына өткөрүлүп берилди. Бул тууралуу Саламаттык сактоо министрлигинен билдирди.

Маалыматка ылайык, калкка ыкчам медициналык жардам көрсөтүүнү жакшыртуу максатында Дүйнөлүк банктын “Кыргызстандагы кырсыктарга жана коркунучтарга туруштук берүү деңгээлин жакшыртуу” долбоорунун алкагында (ERIK) жалпы суммасы 764,900,0 АКШ долларына 13 “В” классындагы тез жардам унаалары алынды.

Алардын ичинен үч транспорт каражатына өпкөнү жасалма желдетүү жабдуулары орнотулган.  Жаңы алынган ыкчам медициналык жардам көрсөтүүчү унаалар Кыргызстандын 7 облусуна таратылып берилет.

Бардык унаалар ыкчам жардам көрсөтүү жана бейтапты ооруканага ташып жеткирүү үчүн зарыл болгон медициналык шаймандар менен жабдылганы айтылат.