Санариптик өнүктүрүү министри Талантбек Иманов "паспорт мафиясы" жана миллиарддаган зыян тууралуу айтып чыкты

Санариптик өнүктүрүү министри Талантбек Иманов калыкты каттоо департаментинде миллиарддаган сом зыян келтирилгенин айтып чыкты.

Министрдин айтымында, калкты каттоо департаментинде "паспорт мафиясы" күнү-түнү токтобой иштеп турат.

"Мен 15-февралда кызматка кириштим. Мен ишке киришкенден тарта "паспорт мафиясы" менен каршылаштым. Ал калкты каттоо департаментинде күнү-түнү токтобой иштеп турат.

Мен муну менен аягына чейин күрөшүүгө бел байладым. Ал коррупция ачыктан-ачык эле ишке ашып, мамлекетке миллиарддаган сом зыян алып келүүдө.

Билем, бул кайрылуу кургак эмес. Менин колумда таза фактылар бар",- деди министр.

Ошондой эле Иманов бул кайрылуусунан кийин ага карата каралоо күч аларын кошумчалады.