Сыймык Жапыкеевдин “кесмелерине” тойдуңарбы?

Урматтуу Садыр Нургожоевич!

Кытайда Элине,   банктары 2% процент менен кредитке  акча  бергендиктен 1,5 миллиард Эли дуулдап өсүп - өнүп жатат.

А бизде жуликтер Элге 28- 35, 40 % менен акча бергендиктен, Элибиз жашап жаткан үйлөрүнөн ажырап, ай талаада калышууда.

Жалаң байлар өкүмөттөн арзан кредит алышып, кайра 30-40 % менен берип, Элдин канын сорушууда.

Урматтуу Садыр иним, ушул жагдайды эске алып, тез арада банктардын пайызын төмөндөтүүгө аракет көрүп берсеңиз, 

Элге - журтка өтө чооң пайда алып келет элеңиз?

Мисалы үчүн, Мамлекет жолдорго же башка максаттарга деле узак мөөнөткө 2% менен 30 -40 жылга кредит алып жатпайбы?

Ошондой эле тартипте 30- 40 жылга 1- 2 миллиар $ долларды  чет элдик каржы булактарынан,  Мамлекет өз кепилдиги менен  2% процент менен алып, кайра Элге 4% процент менен берсеңер Эл- журт да, Мамлекет да ирденет эле да деген ой?

Кыргызстандагы коммерчиский банктардын баары жеп - ичкен олигархтардын банкы экенин билебиз.

Аларды же жаап, болбосо пайызын төмөндөтүүгө  болобу?

Бийликке, кызматка келсем эле банктарды талкалайм, пайыздарын төмөндөтөм, -деп кыйкырып, артынан Элди ээрчитип  келген  Фин.полчу Сыймык Жапыкеев кызматка жетишээри менен, ал айткан  сөзүн таптакыр унутту.

Урматтуу Садыр иним! Элдин ишеничи, үмүтү бир гана Сизде жана Камчыбекте калды.

Элдин- журттун жүгүн, ыйын, үнүн угуп, БАНК системасы боюнча жыйынтык чыгарып, пайызын  минималдык точкага жеткирип 2-4% менен бергенге түшүрүп берүүңүздөрдү  суранабыз, өтүнөбүз.

Фин.полдун башчысы Сыймык Жапыкеевдин созгон ЛАПШАЛАРЫНА ага ишенген Элдер тоюшту бекен?

Исмаил Токобаев