Сокулукта өз күйөөсүн өлтүрүүгө шектелип 42 жаштагы аял кармалды

Сокулук районунда өзүнүн күйөөсүн өлтүрүүгө шектүү аял кармалды. Бул тууралуу Чүй облустук ИИББ басма сөз кызматы билдирет.

Маалыматка ылайык, 2021-жылы 10-июлда Сокулук райондук милициясына Сокулук айылында жайгашкан үйлөрдүн биринде эркек киши бычакталганы тууралуу маалымат түшкөн.

Алынган маалымат боюнча окуя болгон жерге келген милиция кызматкерлери бычакталган жаран 1989-жылкы К.Д.ны экенин аныкташкан. Ал алган жаркатынан улам каза болгон.

Аталган факт КР Кылмыш-жаза кодексинин 130-беренесинде («Адам өлтүрүү») каралган кылмыш белгиси боюнча кылмыштардын жана жоруктардын бирдиктүү реестрине катталган.

Сотко чейин өндүруштүн жүрүшүндө аталган кылмышка шектүү катары каза болгон жарандын 1979-жылы туулган К.М. таттуу аялы кармалды.

Болжолдуу версиялар боюнча жубайлардын ортосунда чыр-чатак чыгып, натыйжада аял күйөөсүн бычак менен жарадар кылган.

Азыркы учурда шектүү Сокулук райондук милициясынын убактылуу кармоо жайына камакка алынып, бардык зарыл экспертизалар дайындалды.

Сотко чейинки өндүрүш уланууда.