Бишкектеги Биринчи май райондук соту ишкер, "KG Group" курулуш компаниясынын жетекчиси Имамидин Ташовду үй-мүлкүн конфискациялоо менен тогуз жылга эркинен ажыратты. Бул тууралуу анын адвокаты Асел Аргымбаева Фейсбуктагы баракчасына жазды.
Ташовдун соту былтыр октябрда башталган.
Белгилей кетсек, Улуттук коопсуздук комитети Ташовду былтыр апрелде камакка алган. Атайын кызмат издөөдө жүргөн ишкер кыргыз-казак чек арасынан мыйзамсыз өткөн соң Чүйдүн Панфилов районунун Кайыңды айылында кармалганын билдирген.
Ташовго Кылмыш-жаза кодексинин “Бийликти күч менен басып алуу” беренеси менен айып коюлуп, кылмыш иши козголгон.
Пикирлер (0)
Пикир жок. Сиз биринчилерден болушуңуз мүмкүн