Сузакка өзгөчө кырдаал киргизилди

Сузак районунун аймагында өзгөчө кырдаал киргизилди.  Бул тууралуу Жалпыга маалымдоо каражаттарына Сузактын акими Эрмек Алянов билдирген.  

Маалыматка ылайык, жарандык коргонуу комисиясынын чечиминин негизинде райондун аймагына биологиялык-социалдык мүнөздөгү өзгөчө кырдаал киргизилди. Коронавирус учуру катталган Благовещенка жанка Бостон айылдарындагы үй-бүлөлөрдүн бир-бирине каттоосуна чектөө коюлуп, район боюнча үйдө той-аш өткөрүүгө жана чогулууга тыюу салынды.

Саламаттык сактоо министри Космосбек Чолпонбаевдин маалыматына караганда, Кыргызстанда 18-мартка караган түнү ооруга чалдыккан үч киши аныкталды. Алар Кыргызстанга 12-март күнү учуп келишкен.  Учурда алар менен бирге учакта чогу келген 135 адам такталып, алардын 90дон ашууну обсервацияга жаткырылган.