Сузак районунда тынчсызданууга негиз жок. Мындай пикирин аталган райондун акими Эрмекбай Омошев билдирди.
"Урматтуу Жалал-Абад облусунун тургундары. Анын ичинде Сузак районунун тургундары. Бүгүн тастыкталган маалымат боюнча райондун аймагында 3 коронавирус ооруган учур катталды. Бүгүн карантин жарыяланат. Өзгөчө кырдаал киргизилди. Мына ушул Өзгөчо кырдаалдар учурунда эч кандай кооптонууга негиз жок. Медициналык гигиенаны толук сактасаныздар бул ооруну женебиз. Азык-түлүк запастары жетиштүү, кооптонууга негиз жок", - деп айтылат видео билдирүүдө.
Белгилей кетсек, буга чейин Саламаттыкты Сактоо министри Космосбек Чолпонбаев Сузак районунда 3 тургундан коронавируска чалдыкканы аныкталганын кабарлаган.
Пикирлер (0)
Пикир жок. Сиз биринчилерден болушуңуз мүмкүн