Свердлов району шаардыктарды эмдөөгө чакырган эстафета уюштурду

Свердлов районунун мектептеринин арасында "Свердлов району Ковидге каршы" аттуу чакырык башталды. Бул тууралуу мэриянын басма сөз кызматы маалымдады.

Педагогикалык жамаат жана мектеп окуучулары шаардыктарды эмдөөдөн өтүүгө чакырат.

Бул чакырыкка №43чү, №46чы жана №52- орто мектептердин окуучулары жана мугалимдери кошулушту. Алар шаардыктарды эмдөөдөн өтүүгө жана башка мектептерди эстафетага катышууга чакырышат.

Иш-чара коронавирус инфекциясына каршы эмдөөнү колдоо максатын көздөйт.

Эске салсак, мекемедеги “Жашыл аймак” стикери бул мекеменин кызматкерлеринин 70%дан ашыгы коронавирус инфекциясына каршы вакцина алганын көрсөтүп турат.

"Учурдагы эпидемиологиялык кырдаалда эмдөө абдан зарыл, биз сиздерди “Биз жашыл аймактабыз” флешмобун колдоого чакырабыз", - деп айтылат маалыматта.