Таалатбек Масадыков: Чек аранын чечилбей турушу Кыргызстанга да, Тажикстанга да жакшы эмес

Чек аранын чечилбей турушу Кыргызстанга да, Тажикстанга да жакшы эмес. Мындай пикирин Коопсуздук кеңешинин төрагасынын орун басары Таалатбек Масадыков "Азаттык" радиосуна билдирди.

Анын айтымында, президенттин ЖККУнун саммитинде айткан сунушу жүйөлүү.

"Айрым тараптар президент Садыр Жапаровдун сунушун сынга алды. Бирок ЖККУнун жыйынында айткан сунушу олуттуу. Анткени азыр ЖККУнун түзүлгөнүнө 20 жыл болду. Азыр убакыт өзгөрдү.

Тажикстандын да өзүнүн көз карашы бар. Анткен менен чек аранын чечилбей турушу Кыргызстанга да Тажикстанга да жакшы эмес",- деди Масадыков.