Талас шаарында поликлиника карантинге жабылды. Аталган маалыматты Саламаттыкты сактоо министрлигинен тастыкташты.
Маалыматка караганда, медициналык мекеменин кызматкери коронавирус илдетине шектелүүдө.
"Анын анализинин жыйынтыгы чыга элек. Бул боюнча толугураак маалыматты кийинчерээк беребиз", - деп билдиришти ведомстводон.
Талас облусунда бүгүнкү күнгө чейин коронавирус менен ооругандар катталган эмес.
Кыргызстанда 9-июнга карата жалпы 2 миң 55 адамдан коронавирус аныкталды. Айыккандардын саны 1 миң 483 адамды түзсө, 24 адам бул илдеттен каза тапты.
Пикирлер (0)
Пикир жок. Сиз биринчилерден болушуңуз мүмкүн