Талас облусунун Айтматов районундагы Чолпонбай айыл өкмөтүндө 2021-жылдары турак жай куруу үчүн жер тилкелерин берүүдө коррупциялык схема орун алгандыгы аныкталды.
Прокуратурадан билдиришкендей, бул мезгил аралыгында айыл өкмөтүнүн жана каттоо органдарынын жооптуу кызматкерлери расмий документтерге жалган маалыматтарды киргизүү менен 10 жаранга мыйзамсыз негизде 2 гектардан ашуун жер тилкесин берип, тийиштүү укук тастыктоочу документтерди мыйзамсыз тариздеп беришкен.
Аталган факт боюнча райондук прокуратура тарабынан Кылмыш-жаза кодексинин 337-беренеси (кызмат абалынан кыянаттык менен пайдалануу) жана 346-беренеси (кызматтык жасалмачылык) менен кылмыш иш козголуп, жер тилкесин кайтаруу боюнча чаралар көрүлүүдө.
Пикирлер (0)
Пикир жок. Сиз биринчилерден болушуңуз мүмкүн