Ташиевдин Кемпир-Абад боюнча айтканын өчүр деген. Тазабек Икрамов Санрабия Сатыбалдиеванын кармалышы тууралуу пикирин билдирди

Жогорку Кеңештин депутаты Тазабек Икрамов журналист Санрабия Сатыбалдиеванын кармалышы тууралуу пикирин "Кактус.медиага" билдирди.

Анын айтымында, Сатыбалдиева буга чейин да Улуттук коопсуздук мамлекеттик комитетине суракка чакырылган.

"Мен Санрабияны менен жакындан тааныйм. Кечинде аны кармашканда кайра бошотушат деп ойлогом. Анткени ал азыр кош бойлуу жана 2 жашка чыга элек баласы бар",- деди депутат.

Тазабек Икрамов мындан сырткары депутат Шайырбек Ташиевдин Кемпир-Абад боюнча сүйлөгөн сөзүн социалдык тармактан өчүрүүнү башка журналист талап кылганын билдирди.

"Буга чейин башка бир журналист Шайырбек Ташиевдин Кемпир-Абад боюнча сүйлөгөн сөзүн өчүрүүнү талап кылган жана ал арыз жазган болушу мүмкүн",- деп кошумчалады.