Тажикстандык спортчу өмүр бою футболдон четтетилди

Тажикстандын “Файзканд” командасынын оюнчусу өмүр бою футболдон четтетилди. Бул тууралуу аталган өлкөнүн футбол федерациясынан билдирди.

Маалыматка ылайык, 23-апрелде коңшу өлкөнүн футбол боюнча Контролдук-дисциплинардык комитетинин отуруму болуп, анда "Душанбе-83" жана "Файзканд" командаларынын жаштар курамынынын 17-апрелде өткөн оюну каралган.

Ал беттеште "Файзканд" командасынын оюнчусу Рамозон Почев мелдештин калысын бетине муштаганы үчүн оюндан четтетилгени каралган.

Контролдук-дисциплинардык комитетин чечими менен Рамозон Почев өмүр бою футболдон четтетилген.