Текебаев кайра мандатынан ажырашы мүмкүн. Бул тууралуу президенттикке талапкер Темирлан Ормуков өзүнүн Facebook баракчасы аркылуу билдирди.
"Текебаев мындан ары депутат боло албайт, мен соттон жеңип чыктым. Эми Жогорку Соттун Конституциялык палатасына барам. Ал катышкан бардык мыйзамдар негизсиз. Себеби, көчөдөгү адам КРнын парламентинде добуш бере албайт", - деген билдирүү калтырган.
Буга чейин Ормуков Текебаевдин мандат алышы мыйзамсыз деген жүйөө менен Биринчи Май райондук сотуна БШКнын чечимин жокко чыгаруу боюнча даттанган.
Анын айтымында, Борбордук шайлоо комиссиясы Текебаевдин акталгандыгы тууралуу документи жок туруп мандат берген. Текебаев толук акталган эмес анын иши кайра кароого жөнөтүлгөн. Демек, ал акталды дегенге жатпайт.
Бул боюнча Өмүрбек Текебаев эч кандай билдирүү бере элек.
Пикирлер (1)