Айрым аймактарда талапкерлер добуш сатып алуунун жаңы түрүн ойлоп тапкан. Мындай пикирин Жогорку Кеңештин депутаттыгына талапкер, "Альянс" партиясынын мүчөсү Жанар Акаев теледебатта билдирди.
Анын айтымында, президент мамлекеттик кызматкерлерди тыйды, бирок талапкерлер башка жолун тапкан.
"Жакшыны жакшы деш керек. Мына ушул шайлоо башка шайлоодон айырмаланып жатат. Чын эле мэрлер, акимдер, губернаторлор бийликтин конкреттүү партиясына иштеген жок. Президенттин эрки күчтүү болду. Мен сизге бир кызык окуя айтып берейин: Кайсы шаар экенин айтпай эле коеюн. Айрым кандидаттар камоктор, дүкөндөр менен иштешип атыптыр. Ымдашып. Шайлоочу кирет экен, дүкөнчү сүрөттү көрсөтөт экен, ушуну шайласыңбы деп, макул, деп ымдашкандан кийин, каалаган нерсесин 2 миңге сомго алат экен. Кыргыздар ушинтип дагы бир жолун таап атат",- деди Акаев
Пикирлер (0)
Пикир жок. Сиз биринчилерден болушуңуз мүмкүн