Тимур Файзиев: Мелис Аспековду тааныбаймын

 

Жеке ишкер Тимур Файзиев жакында эле камакка алынган активист Мелис Аспековду тааныбай турганын “Кактус медиа” сайтына берген маегинде билдирген.

Буга чейин Аспеков өзүнун Фейсбуктагы баракчасына Файзиев менен мончолордун биринде чогуу түшкөн сүрөтүн жарыялап, “Тимур Файзиев мырза жаңы шаар курам дейт. Идеялары космос экен, ишендирип койду! Мындай смог болбойт, ден соолук эң кымбат дейт” деп билдирүү калтырган эле.

Файзиев болсо Аспеков менен тааныш эмес экенин айтып актанган.

 “Жолдош Аспеков менен мен тааныш эмесмин. Коомдук жайларда кокустан жолугуп калганбыз. Аспеков өзү жаныма келип ишмердүүлүгүм боюнча жылуу пикирин айткан. Ошондой эле ал кызыктуу долбоорлору бар экенин билдирип, жолугушууну сунуштаган. Биз мончодо жолукканбыз. Сүрөт да ошондо тартылган. Ал 13-декабрда интернетке илинген”, - дейт ал.