Токмокто 25 млн сом бөлүнгөн оорукананын оңдоо иштери качан бүтөрү айтылды

Токмок шаарындагы оорукананын капиталдык оңдоп-түзөө иштери 85%га аткарылды. Бул тууралуу республикалык штаб маалымдады. 

Маалыматка караганда, курулуш объектисинин жалпы аянты 4 617 м2, ал эми долбоордук кубаттуулугу боюнча 216 орунга эсептелинет.

Бүгүнкү күнгѳ карата 100%га демонтаждоо иштери, полдордун түздѳѳсү, имараттын тышкы жасалгасы, тепкичтин грунтовкалоо  жана жер төлө жайларындагы дубалдарын коюшу бүткѳрүлдү. 

Ошондой эле 100%га реанимациялык бѳлүмү, имараттын чатыры, жылытуу системасы, канализациялык түтүктөрү жана электр өткөргүчтөрдүн орнотуу иштери аяктады. Учурда объектте ички жасалгасы жана желдетүү шахталарынын түзүлүшү боюнча иштер уланууда.

Белгилей кетсек, аталган объект 25 млн 716 миң сомго каржыланды. Жумушчулардын саны 160 адам. Объектти 2020-жылдын 15-сентябрына карата аяктоо пландаштырылууда.