Ысык-Көл облусунун Тоң районундагы 35 муктаж үй-бүлө ун менен камсыздалды. Бул тууралуу Кыргызстан мусулмандарынын дин башкармалыгынын басма сөз кызматынан билдирди.
Маалыматка ылайык, ундар Тоң районундагы Кара-Коо жана Жоомарт Бөкөнбаев айылдарындагы муктаж үй-бүлөлөргө таратылган. Ал эми Ысык-Көл облустук мусулмандар казыяты аймактагы дин кызматкерлерине 40 мүшөк ун азыгын жардам катары таратып бергени айтылат.
“Бул жардамдарды Кыргызстан Мусулмандарынын Дин Башкармалыгы кайрымдуу жарандар менен биргеликте уюштурду. Жардам алгандардын басымдуу бөлүгү турмушу оор үй-бүлөлөр, жетим-жесирлер, майыптар болду. Кыйын мезгилде жардамга колун сунган кайрымдуу инсандарга жардам алган мекендештерибиз ак баталарын беришти” – деген Кыргызстан мусулмандарынын дин башкармалыгынын маалымат бөлүмүнүн башчысы Максат Атабаев.
Маалыматка таянсак, кайрымдуу жарандар тарабынан өлкө аймагындагы 1500 муктаж үй-бүлөгө жана дин кызматкерлерине ун азыгы таратылып берилген.
Пикирлер (0)
Пикир жок. Сиз биринчилерден болушуңуз мүмкүн