Бишкекте төрт күндүк текшерүү учурунда адистер санитардык-эпидемиологиялык нормалардын бузулушу жоюлганга чейин 21 тез тамактануучу жай жабылды. Бул тууралуу борбор калаанын Мамлекеттик санитардык-эпидемиологиялык көзөмөлдөө борборунан билдиришти.
«Жалпысынан 1-октябрдан 4-октябрга чейин 71 коомдук тамактануучу жай текшерилип, 21 мекеме убактылуу жабылды. Бул боюнча 65 жооптуу адамга 931 миң сом айып салынды», - деп түшүндүрүштү.
Эскерте кетсек, 1-октябрда Бишкекте Чүй проспектиси менен Сүйүмбаев көчөсүнүн кесилишинде жайгашкан “Беш лаваш” жана “Мидос” тез тамактануучу жайларында массалык уулануу катталган.
Пикирлер (0)
Пикир жок. Сиз биринчилерден болушуңуз мүмкүн