COVID-19 пандемиясы Транспорт жана жолдор министрлигинин инвестициялык долбоорлорун ишке ашырууга терс таасирин тийгизди. Бул тууралуу министрдин орун басары Талант Солтобаев бүгүн, 3-сентябрдагы брифингде билдирди.
"Карантиндик чаралардын киргизилиши жана эл аралык чек аралардын жабылышы персоналды, керектүү шаймандарды мобилизациялоону татаалдаштырып, объектилерде кызматкерлердин эркин жүрүүсүнө тоскоолдук жаратты ”, - деди ал.
Солтобаевдин айтымында, пандемия учурунда жумушту кайра калыбына келтирүү максатында, Транспорт министрлиги, Саламаттыкты сактоо министрлиги жана Тышкы иштер министрлиги тарабынан, адистерди жумуш орундарына жеткирүү иштери уюштурулган. 2020-жылдын май айынан бери Кыргызстанга 450гө жакын эл аралык адистер келишкен.
"Айрым долбоорлорду ишке ашырууда, COVID-19 пандемиясынын таасиринин натыйжасында, ишке ашыруу графигинде кечигүү болду - болжол менен 3-4 айга жетет", - деп кошумчалады.
Ошондой эле, Транспорт жана жолдор министрлиги донорлорлору такталган төмөнкү долбоорлорду ишке ашырууну пландаштырууда:
1. Балбай Баатыр — Каракол участкасынын курулуш долбоору;
2. Корумду — Балбай Баатыр участкасынын курулуш долбоору.
Жана дагы, донорлор изделип жаткан төмөнкү долбоорлорду жүзөгө ашыруу үчүн:
3. Арал—Суусамыр участкасынын курулуш долбоору;
4. Бишкек шаарынын Түндүк айланма жолу;
5. Тараз—Талас—Суусамыр автожолу, км 105-198.
Пикирлер (0)
Пикир жок. Сиз биринчилерден болушуңуз мүмкүн