Түркиядан Кыргызстанга гуманитардык жардам катары медициналык каражаттар келди

Түркиядан коронавирус инфекциясы менен күрөшүү үчүн Кыргызстанга гуманитардык жардам келди. Бул тууралуу Республикалык штабдан билдиришти. 

Маалыматка караганда, 20 өпкөнү жасалма желдетүү аппараты (ӨЖЖ), 50 кычкылтек концентратору, 20 комплект ПЦР-тест, вирусту аныктоо үчүн реагенттердин 20 миң комплекти, 50 миң N95 коргоочу беткап, 100 миң хирургиялык беткап, 35 миң коргоочу костюм, 2 миң коргоочу беткап - калканч жана 10 миң гидроксихлорохин таблетка келген.

Бул жардам 6-июлда Кыргыз Республикасынын президенти Сооронбай Жээнбековдун Түркия мамлекетинин президенти Режеп Тайип Эрдоган менен телефон аркылуу сүйлөшүүлөрүнүн ортосунда жетишилген макулдашуулардын алкагында, 7-июлда саламаттыкты сактоо тармагына гуманитардык жардам берүү боюнча эки мамлекеттин ортосундагы түшүнүшүү Меморандумуна кол коюнун негизинде келди.