УКМК Бектур Асановдун билдирүүсү боюнча маалымат таратты

С.Жапаровдун жактоочулары деген агрессивдүү мазмундагы ар кандай коркутуулар жана билдирүүлөр социалдык тармактардагы жасалма аккаунттар аркылуу келип түшөт деген чагымчыл билдирүүлөрдүн көбөйүшүнө байланыштуу УКМК төмөнкүлөрдү билдирет.

Тактап айтканда, УКМК президенттикке талапкерлердин бири Б.Асановдун сүйлөгөн сөзүн өтө эле эмоционалдуу деп эсептейт. Анда ал социалдык тармактардын айрым колдонуучуларынын ар-намысына жана кадыр-баркына токтолуп, алар тууралуу айткан сөздөрү колдонуучуларды нааразы кылып, өлкөнүн коомдук-саясий кырдаалдын туруксуздугуна себеп болушу.

Б.Асанов тарабынан адамдардын сезимдерин мындай жол менен ойноого жол берилбейт, ал үчүн жооптуу болот.

Белгилей кетсек, ар кандай жарандык активисттер жана саясатчылар  өзүн-өзү жарнамалоо максатында ушул сыяктуу жалган маалыматтарды жайылтып, кырдаалды атайылап курчутушат.

Улуттук коопсуздук боюнча мамлекеттик комитет бардык укук коргоо органдары менен биргеликте бул багытта тиешелүү иштерди жүргүзүүнү улантууда.

Ушуга байланыштуу, УКМК дагы бир жолу бардык тараптарды чагымчыл чакырыктарды, такталбаган маалыматтарды жана шектүү мазмундагы видеотасмаларды таратуудан алыс болууга чакырат.

УКМК ар бир адамды тыгыз кызматташууга жана өлкөдөгү тынчтыгы үчүн конкреттүү фактылар менен коркутуулар болушу мүмкүн болгон фактыларды укук коргоо органдарына тиешелүү чараларды көрүү үчүн билдирүүгө чакырат.

УКМК чагымчыл материалдарды жайылтууга күнөөлүүлөр Кыргыз Республикасынын  мыйзамдарына ылайык катуу жоопкерчиликке тартыларын эскертет.