УКМКнын коррупцияга күрөшүү боюнча мамлекеттик кызыматы Курчап турган чөйрөнү коргоо жана токой чарбасы мамлекеттик агенттигинин Чүй-Бишкек аймактык башкармасында туруктуу коррупциялык схеманы аныктады. Бул тууралуу УКМКнын басма сөз кызматы билдирди.
Мекеменин билдиргенине караганда, аталган аймактык башкарма курулуш компаниялары менен келишим түзүп аларга экологиялык уруксат берүү үчүн тынымсыз пара алып турган.
"Бул бөлүмдүн кызматкерлери уруксат жана лицензиялык документтерди алууда жасалма жол менен тоскоолдуктарды жаратуучу механизмдерди киргизип, коммерциялык уюмдардын өкүлдөрүн 500дөн 5 миң долларга чейин пара талап кылып келген. Жүргүзүлгөн иш-чаралардын жыйынтыгы боюнча, бөлүмдүн ага инспектору пара алып жаткан жеринен кармалган" ,- деп жазылат УКМКнын маалыматында.
Пикирлер (0)
Пикир жок. Сиз биринчилерден болушуңуз мүмкүн