Бишкекте "Алтуха" каймана аты менен белгилүү уюшкан кылмыштуу тобунун мүчөсү Алтынбек Ибраимов кармалды. Бул тууралуу 13-январда УКМКнын басма сөз кызматынан билдиришти.
УКМКнын маалыматы боюнча, 13-январда кылмыштуу иерархиядагы маанилүү кызматтардын бирин ээлеген Ибраимов кармалган.
Ал УКМКнын убактылуу кармоочу жайына киргизилген.
"Кармалган адамга карата анын кылмыш иштерине катыштыгы бар экендиги боюнча зарыл болгон тергөө-оперативдик иш-чаралар жүргүзүлүүдө",- деп айтылат билдирүүдө.
Учурда тергөө иштери жүрүп жатат.
Буга чейин Ибраимов Ички иштер министрлигинде профилактикалык сүйлөшүүгө чакырылган.
Пикирлер (0)
Пикир жок. Сиз биринчилерден болушуңуз мүмкүн