Улан Бакиров Кемин районунун Жаңы-Алыш айыл өкмөтүнүн башчысы болуп шайланды

Бүгүн, 7-августта Чүй облусунун Кемин районундагы Жаңы-Алыш айыл өкмөтүнүн башчысын шайлоо болуп өттү, деп билдирди БШК басма сөз кызматы.

Кемин районунун акиминин 2020-жылдын 15-июлундагы тиешелүү буйругу менен аталган айыл өкмөттүн мурдагы башчысы Таштанбек Ибраимов өз арызы боюнча кызматтан бошотулган.

БШКнын токтомуна ылайык, 7-августка Жаңы-Алыш айыл өкмөтүнүн башчысын шайлоо дайындалган. Бир добуштан берилген чечим менен Улан Кундузбаевич Бакиров аталган айыл өкмөттүн башчысы болуп шайланды.

Маалыматта кошумчалангандай, шайлоо санитардык-эпидемиологиялык эрежелерди эске алуу менен уюштурулуп өткөрүлдү.