Улуттук банк октябрь айында биринчи жолу валюта рыногунда 27,2 млн долларга интервенция жасады. Бул тууралуу аталган мекеменин сайтында айтылат.
7,2 миллион долларды сатуу операциянын күнү менен белгиленди. 19,95 миллион доллар интервенция датасынан башка датага эсептешүү менен сатылган.
Жыл башынан бери Улуттук банк долларды сатуу боюнча жалпы суммасы 610 миллион 840 миң долларды түзгөн 12 интервенция өткөрдү.
Белгилей кетсек, интервенцияга доллардын курсунун кескин өзгөрүшү себеп болгон. Ал бир заматта 20 тыйынга кымбаттады. Бүгүнкү күндө өлкөдөгү бардык коммерциялык банктар америкалык валютаны сатууда бирдей курсту — 88,97 сомду белгилешүүдө.
Пикирлер (0)
Пикир жок. Сиз биринчилерден болушуңуз мүмкүн