Улуттук банк валюта рыногуна 44,8 млн доллар интервенция жасады

Кыргызстандын Улуттук банкы чет элдик валюта сатуу боюнча кезектеги интервенция жасады.

Улуттук банктын сайтында маалымдалгандай, валюта рыногуна 44 млн 800 миң АКШ доллары сатылды.

Ошондой эле Улуттук банк доллардын расмий курсун 89,18 сомго чейин көтөрдү, ал эми коммерциялык банктарда доллар 89,37 сомго чейин кымбаттады.