Улуттук банктын башчысы Rothschild & Co компаниясынын өкүлдөрү менен жолугушту

Кыргызстандын Улуттук банкынын төрагасы Кубанычбек Бөкөнтаев жана финансы министри Алмаз Бакетаев Rothschild & Co финансылык-холдинг компаниясынын башкармасынын мүчөсү Ариэль Малард де Ротшильд жетектеген делегациясы менен жолугушту. Бул тууралуу Улуттук банктын басма сөз кызматынан кабарлашты. 

Жолугушууда кыргыз тараптын Rothschild & Cо компаниясынын консультациялык жана инвестициялык ишмердүүлүк чөйрөсүндө кызматташуусунун мүмкүн болгон багыттары талкууланды.