Үйү, иш бөлмөсү тинтүүгө алынган Мунарбек Сайпидинов: Мени Матраимовдун өкүл баласы болгонум үчүн куугунтуктоодо

Кара-Суу районунун Савай айылынын айыл өкмөтү Мунарбек Сайпидинов УКМКнын төрагасы Камчыбек Ташиевге кайрылуу жасады. 

"Кечээ, 18-ноябрда, таңкы саат 6:45те алар үйдү тинтүүгө алышты. Буга чейин мен иш бөлмөмдү талкалаган адамдарга карата арыз жазган элем. Бул иш боюнча эч кандай тергөө иштери жүргүзүлбөйт, бирок кандайдыр бир себептерден улам мага карата тергөө иш-аракеттери башталды. Эгер ал чындыкты билүүгө кызыкдар болсоңуз мени жеке өзүңүз кабыл алыңыз. Анын өзүнүн бизнеси бар, менде дагы бар. Баары эле жаштар келип, жаштар иштеши керек деп жатышат. Бирок, мага карата куугунтук болуп жатат, анткени мен Матраимовдун өкүл баласымын", -деген кайрылуу жасады. 

Эске салак кетсек, Мунарбек Сайпидиновдун иш бөлмөсү жана үйү УКМКнын кызматкерлери тарабынан тинтүүгө алынган эле.