Японияда коронавирус тездик менен жайылууда

Японияда коронавирусту жуктурган жаңы учурлар тездик менен өсүүдө, алардын көбү Токиодо катталып жатат. Мындай маалыматты эл аралык агенттиктер жазып чыкты.

Алардын билдирүүсү боюнча, Японияда коронавирус жуктурган 3500дөң ашуун учур катталып, 85 киши көз жумду. Борбору Токиодо жуктургандардын саны 1000 кишиге жетти.

Ал өлкөдө алгачкы вирус жуктурган киши январда катталган. Февралда эле премьер-министр Синдзо Абэ апрелге чейин мектептерди жабуу тууралуу чечим кабыл алды. Азырынча коронавирус каттала элек алты гана райондо мектептер ачылды.

Учурда өзгөчө абал киргизүү каралып жатат, анын кириши менен чаралар катаалдашат, деп жазат басылмалар.